اپنے دل کے داغ اکیلے میں یوُنہی میں دھو لیتا ہوُں
جُوں ہی موقعہ مل جاتا ہے چھُپ چھُپ کے میں رولیتا ہوُں
دھوُم دھڑکا،شور شرابا،بھاگم دوڑ اور آپا دھاپی
میں جب بھی ہوتا ہے وقفہ،اُس وقفے میں سو لیتا ہوُں
گُمراھی کے رستے پر جو تنہا جاتا مل جاتا ہے
سیدھا رستہ اُسے دکھانے اُس کے ساتھ بھی ہو لیتا ہوُں
اپنی نفرت کی فصلوں کو کاٹ مٹانا گو مُشکل ہے
پھر بھی پیار مُحبت کے کُچھ بیج دلوں میں بو لیتا ہوُں
جوُہی، بیلا، گیندا،سوسن،نرگس،لالہ اور چنبیلی
اپنے پیار کی مالا میں یہ سارے پھُول پرو لیتا ہوُں
مُجھ کو راہ اکیلے چلنا راس نہیں آتا ہے ہرگز
اپنی منزل کو جاتے میں سنگ اپنے سب کو لیتا ہوُں
گرچہ اس دُنیا میں رہنا ایک جہنٌم سا لگتا ہے
اپنے تن کی گرمی میں،میں من کی ٹھنڈ سمو لیتا ہوُں
ابنے لوبھ کی خاطر میں نے جانے کتنے بُت ہیں تراشے
لوگوں کو دکھلانے کو ہی نام خُدا کا گو لیتا ہوُں
میں اپنی مرضی کا مالک،کون مُجھے مُجبور کرے ہے
اُس کا نام صبا جب بھی میں لینا چاہوں تو لیتا ہوُں
ครเŦ אคเ
ہر کوئی دل کی ھتھیلی پہ ہے صحرا رکھے
کس کو سیراب کرے کسے پیاسا رکھے
عمر بھر کون نبھاتا ہے تعلق اتنا
اے میری جان کے دشمن تجے اللہ رکھے
ہم کو اچھا نہیں لگتا کوئی ھم نام ترا
کوئی تجھ سا ہو تو نام بھی تجھ سا رکھے
دل بھی پاگل ہے کہ اس شخص سے وابستہ ہے
کسی اور کا ہونے دے نہ اپنا رکھے
ہنس نہ اتنا بھی فقیروں کے اکیلے پن پر
جا، خدا میری طرح تجھ کو بھی تنہا رکھے
یہ قناعت ہے اطاعت ہے کہ چاہت ہے فراز
ہم تو راضی ہیں وہ جس حال میں جسیا رکھے
ครเŦ אคเ
تنگ آ چکے ہیں کشمکش زنگی سے ہم
ٹھکرا نہ دیں جہاں کو کہیں بے دلی سے ہم
مایوسئی مال محبت نہ پوچھیے!
اپنوں سے پیش آئے ہیں بیگانگی سے ہم
لو آج ہم نے توڑ دیا رشتہ امید
لو اب کبھی گلا نہ کرینگے کسی سے ہم
ابھریں گے ایک بار ابھی دل کے ولولے
گو دب گئے ہیں بارِ غم زندگی سے ہم
گر زندگی میں مل گئے پھر اتفاق سے
پوچھیں گے اپنا حال تری بے بسی سے ہم
اللہ رے فریب مشیت کہ آج تک
دنیا کے ظلم سہتے رہے خامشی کیساتھ
ساحر لدھیانوی
ครเŦ אคเ
کبھی ہم بھیگتے ہیں چاہتوں کی تیز بارش میں
کبھی برسوں نہیں ملتے کسی ہلکی سی رنجش میں
تمہی میں دیوتاؤں کی کوئی خُو بُو نہ تھی ورنہ
کمی کوئی نہیں تھی میرے اندازِ پرستش میں
یہ سوچ لو پھر اور بھی تنہا نہ ہو جانا
اُسے چھونے کی خواہش میں اُسے پانے کی خواہش میں
بہت سے زخم ہیں دل میں مگر اِک زخم ایسا ہے
جو جل اُٹھتا ہے راتوں میں جو لَو دیتا ہے بارش میں
ครเŦ אคเ
RSS Feed
